సెక్స్ వర్కర్ల చేతిలో వైద్యుడి హత్య?

హైదరాబాద్: హైదరాబాదులోని గుడి మల్కాపూర్ లో రిటైర్డ్ ప్రభుత్వ వైద్యుడు తన ఇంటిలో దారుణ హత్యకు గురయ్యాడు. అతన్ని సెక్స్ వర్కర్లు హత్య చేసి ఉంటారని పోలీసులు అనుమానిస్తున్నారు. రంగారెడ్డి జిల్లాలో ప్రభుత్వ వైద్యుడిగా పని చేసిన ముకేడ్గర్ పదవీ విరమణ చేసిన తర్వాత ప్రైవేట్ ప్రాక్టీస్ చేస్తున్నాడు. అతని భార్య చనిపోయింది. పిల్లలు ఇద్దరు బయట ఉంటారు. ఇంట్లో వైద్యుడు ఒక్కడే ఉంటున్నాడు. ఇంటి పని మనిషి శుక్రవారం ఉదయం వచ్చి చూసే సరికి వైద్యుడు శవమై మంచం మీద పడి ఉన్నాడు. ఆమె ఈ విషయాన్ని పోలీసులకు తెలిపింది. పోలీసులు సంఘటనా స్థలానికి చేరుకుని కేసు నమోదు చేసి దర్యాప్తు ప్రారంభించారు.

అయితే ఆ వైద్యుడి ఇంటికి ప్రతి రోజూ ఇద్దరు ముగ్గురు మహిళలు వస్తూ పోతుండేవారని స్థానికులతో పాటు పని మనిషి కూడా చెబుతున్నారు. ఈ స్థితిలో సెక్స్ కార్యకలాపాలు వైద్యుడు నిర్విహించేవాడా అనే కోణం నుంచి పోలీసులు దర్యాప్తు మొదలు పెట్టారు. సెక్స్ వర్కర్లు అతన్ని చంపి వుంటారా అనే విషయంపై వారు దృష్టి పెడుతున్నారు.