శ్రీవారికి 3 కిలోల బంగారు గంగాళాలు

తిరుపతి: తిరుమల శ్రీవారికి ఢిల్లీకి చెందిన ఓ భక్తుడు భారీ కానుకను సమర్పించాడు. శ్రీ వెంకటేశ్వర స్వామికి ఆ భక్తుడు సోమవారం 3 కిలోల బంగారం గంగాళాలను సమర్పించాడు. ఇప్పటి వరకు శ్రీవారి అభిషేక సేవ వెండి పాత్రల్లో జరిగేవి. ఇక నుంచి ఆ అభిషేక సేవ స్వర్ణ పాత్రలతో జరుగుతుంది. సోమవారంనాడు శ్రీవారు తీరొక్క రంగుల పూబాలల మధ్య ఒదిగాడు.

శ్రీవెంకటేశ్వర స్వామి వారి వార్షిక పుష్పయాగం సోమవారం ఆలయంలోని సంపంగి ప్రాకారంలో అత్యంత వైభవంగా జరిగింది. సుగంధ పరిమళాలు వెదజల్లే 25 రకాల పువ్వులు దాదాపు పది టన్నులు వాడి ఈ సేవ చేశారు. రాష్ట్రం నుంచే కాకుండా తమిళనాడు, కర్నాటక రాష్టాల నుంచి కూడా భక్తులు శ్రీవారికి పుష్పాలను విరాళంగా పంపారు.