• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కెసిఆర్ తో దీక్షను విరమింపజేయండి: మన్మోహన్ సింగ్

By Pratap
|

Manmohan Singh
న్యూఢిల్లీ: తెలంగాణ రాష్ట్ర సమితి (తెరాస) అధ్యక్షుడు కె చంద్రశేఖర రావుతో దీక్ష విరమింపజేయాలని ప్రధాని డాక్టర్ మన్మోహన్ సింగ్ కాంగ్రెసు పార్లమెంటు సభ్యులను కోరారు. తెలంగాణపై తమ అభిప్రాయాలను వినిపించేందుకు తెలంగాణ కాంగ్రెసు ఎంపీలు ప్రధానిని కలిశారు. కెసిఆర్ ఆమరణ నిరాహార దీక్ష చేపట్టిన తర్వాత పెల్లుబుకిన ఆందోళనపై, తాజా పరిణామాలపై వారు ప్రధానికి వివరించినట్లు సమాచారం.

తెలంగాణ రాష్ట్ర సాధన కోసం సుదీర్ఘ కాలంగా ఆందోళన సాగుతోందని, హింస జరగకుండా చూడాలని ప్రధాని కాంగ్రెసు ఎంపీలకు సూచించినట్లు చెబుతున్నారు. చిన్న రాష్ట్రాలకు సంబంధించి తెలంగాణపై ప్రత్యేకంగా నిర్ణయం తీసుకోలేమని ప్రధాని వారితో చెప్పినట్లు సమాచారం. అయితే తమకు రాష్ట్రంలో ఇబ్బందులున్నాయని, దానికి ఏదో రకంగా పరిష్కారం చూపాలని ఎంపీలు ప్రధానిని కోరినట్లు సమాచారం. పది నిమిషాల పాటు వారు ప్రధానితో మాట్లాడారు.

కాంగ్రెసు ఎంపీల నుంచి ప్రధాని కొంత సమాచారం అడిగి తెలుసుకున్నట్లు సమాచారం. కాంగ్రెసు అధ్యక్షురాలు సోనియా గాంధీ, కాంగ్రెసు ఆంధ్రప్రదేశ్ వ్యవహారాల ఇంచార్జీ వీరప్ప మొయిలీ, కోర్ కమిటీ సభ్యులతో చర్చించి తగిన నిర్ణయం తీసుకుంటామని ప్రధాని వారికి చెప్పినట్లు సమాచారం. గుత్తా సుఖేందర్ రెడ్డి, పొన్నాల ప్రభాకర్, మందా జగన్నాథం, మధు యాష్కీ గౌడ్ తదితరులు ప్రధానిని కలిసినట్లు సమాచారం.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X