రాయలసీమ, కోస్తాంధ్రల్లో బంద్

హైదరాబాద్: సమైక్యాంధ్రను డిమాండ్ తో శుక్రవారం రాయలసీమ, కోస్తాంధ్ర ప్రాంతాల్లో శుక్రవారం బంగ్ కొనసాగుతోంది. బస్సులు ఎక్కడికక్కడ నిలిచిపోయాయి. వ్యాపార సంస్థలు, దుకాణాలు మూసివేశారు. విద్యాసంస్థలకు సెలవులు ప్రకటించారు. విశాఖ, గుంటూరు, నెల్లూరు తదితర జిల్లాల్లో బస్సులు పూర్తిగా నిలిచిపోయాయి. నెల్లూరు నుంచి కడప, తిరుపతి వైపు వెళ్లే ఆర్టీసి బస్సులను అధికారులు ముందు జాగ్రత్త చర్యగా నిలిపేశారు. విశాఖ జిల్లాల్లో దూర ప్రాంతాల బస్సులను నిలిపేశారు. కర్నూలులో బంద్ పూర్తిగా జరుగుతోంది.

తిరుపతి వెళ్లే బస్సులు ఆగిపోయాయి. దీంతో భక్తులు తీవ్ర ఇబ్బందులకు గురయ్యారు. కర్నూలు నుంచి అనంతపురం, కడప, విజయవాడ, చిత్తూరు, హైదరాబాద్, బెంగుళూర్, మహబూబ్ నగర్ లకు తిరిగే బస్సు సర్వీసు బస్సులు రద్దయ్యాయి. విజయవాడ నుంచి వెళ్లే రైళ్లు యథావిధిగా నడుస్తాయని అధికారులు ప్రకటించారు. అయితే పలు చోట్లు రైళ్ల రాకపోకలకు కూడా అంతరాయం కలిగింది. ఆందోళనకారులు రోడ్ల మీదికి వచ్చి ప్లకార్డులతో ప్రదర్శనలు నిర్వహిస్తున్నారు. గుంతకల్లులో బెంగుళుర్ - న్యూఢిల్లీ ఎక్స్ ప్రెస్ రైలు ఆగిపోయింది. భీమవరంలో తెరిచిన దుకాణాలను ఆందోళనకారులు ధ్వంసం చేశారు. హిందూపురంలో భారీ ర్యాలీ జరిగింది. తెనాలిలో మార్కెట్ ను మూసేశారు.