నిమ్స్ నుంచి డిశ్చార్జైన కెసిఆర్

హైదరాబాద్: నిజాం వైద్య విజ్ఝాన సంస్థ (నిమ్స్) నుంచి తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు శుక్రవారం డిశ్చార్జీ అయ్యారు. నిమ్స్ నుంచి ఆయన నేరుగా తన నివాసానికి వెళ్లారు. ఆరోగ్యం కుదుట పడినందున డిశ్చార్జీ చేసినట్లు నిమ్స్ వైద్యులు చెప్పారు. నీరసంగా ఉన్నందున కెసిఆర్ కు విశ్రాంతి అవసరమని వారు చెప్పారు.

ఈ నెల 29వ తేదీన నిరాహార దీక్ష తలపెట్టిన కెసిఆర్ ను పోలీసులు అరెస్టు చేసి ఖమ్మం తరలించారు. ఖమ్మం ప్రభుత్వాస్పత్రి నుంచి హైదరాబాదులోని నిమ్స్ కు తరలించారు. తెలంగాణ రాష్ట్ర ఏర్పాటు ప్రక్రియను ప్రారంభిస్తామని కేంద్ర ప్రభుత్వం ప్రకటించడంతో ఆయన నిరాహార దీక్షను విరమించారు. దీక్ష విరమణ అనంతరం ఆయనను ఐసియు నుంచి మిలీనియం బ్లాక్ కు తరలించి చికిత్స అందించారు.