హై కమాండ్ నిర్ణయం శిరోధార్యం: జయసుధ

హైదరాబాద్: రాష్ట్ర విభజన విషయంలో తాము తమ కాంగ్రెసు పార్టీ అధిష్టానం నిర్ణయానికి కట్టుబడి ఉంటామని సికింద్రబాద్ శాసనసభ్యురాలు జయసుధ, ఎల్బీ నగర్ శాసనసభ్యుడు సుధీర్ రెడ్డి చెప్పారు. వారిద్దరు గ్రేటర్ హైదరాబాదులోని కాంగ్రెసు పార్టీ శాసనసభ్యులతో కలిసి శుక్రవారం మీడియా ప్రతినిధులతో మాట్లాడారు. గ్రేటర్ హైదరాబాదులోని సెటిలర్లకు తాము రక్షణగా ఉంటామని జయసుధ చెప్పారు. గ్రేటర్ హైదరాబాదులో సెటిలర్లు, ఇతర రాష్ట్రాలవారు చాలా మంది ఉన్నారని, వారిపై దాడులు చేయకండా సయంమనంతో ప్రజలు వ్యవహిరంచడం అవసరమని ఆమె అన్నారు.

తెలంగాణ విషయంలో తమకు కాంగ్రెసు అధిష్టానం నిర్ణయం శిరోధార్యమని ఆమె అన్నారు. గ్రేటర్ హైదరాబాదును కేంద్ర పాలిత ప్రాంతంగా చేయాలనే డిమాండ్ ను కాంగ్రెసు శాసనసభ్యులు విరమించుకున్నారు. గ్రేటర్ హైదరాబాదును కేంద్రపాలిత ప్రాంతంగా ప్రకటించాలని రాష్ట్ర ఆరోగ్య శాఖ మంత్రి ఇంతకు ముందు అన్నారు. అయితే ఆయన తన అభిప్రాయాన్ని మార్చుకుని పార్టీ అధిష్టానం నిర్ణయానికి కట్టుబడి ఉంటామని చెప్పారు.