• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెలంగాణ ఏర్పాటుకు డెడ్ లైన్ లేదు: కెసిఆర్

By Pratap
|

K Chandrasekhar Rao
హైదరాబాద్: తెలంగాణ రాష్ట్ర ఏర్పాటుకు తాము కేంద్ర ప్రభుత్వానికి ఏ విధమైన డెడ్ లైన్ పెట్టలేదని తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు స్పష్టం చేశారు. ఎన్డీటివీకి ఇచ్చిన ఇంటర్వ్యూలో ఆయన ఈ విషయం చెప్పారు. తెలంగాణ రాష్ట్ర ఏర్పాటుకు కాంగ్రెసు అధ్యక్షురాలు సోనియా గాంధీ హామీ ఇచ్చారని, మాట నిలబెట్టుకుంటారని అనుకుంటున్నామని, తెలంగాణ రాష్ట్ర ఏర్పాటు విషయాన్ని సోనియా చూసుకుంటారని ఆయన అన్నారు. సమైక్యాంధ్ర ఉద్యమం వెనక ల్యాండ్ మాఫియా, అసైన్డ్ భూముల దురాక్రమణదారులు ఉన్నారని ఆయన అన్నారు. సమైక్యాంధ్ర ఉద్యమం కృత్రిమమైందని, దాని వెనక స్వార్ఱ రాజకీయ నాయకులున్నారని ఆయన విమర్శించారు.

ఆంధ్రప్రదేశ్ శాసనసభలో తీర్మానం చేయాల్సిన అవసరం లేదని ఆయన అన్నారు. తెలంగాణేతర శాసనసభ్యుల మాదిరిగా తెలంగాణ శాసనసభ్యులు కూడా రాజీనామా చేయాలని ఆయన డిమాండ్ చేశారు. హైదరాబాద్ తెలంగాణలో అంతర్భాగమని ఆయన అన్నారు. చండీఘర్ మాదిరిగా రెండు రాష్ట్రాలకు రాజధానిగా ఉండే అవకాశం లేదని ఆయన అన్నారు. హైదరాబాదులో 90 శాతం మంది తెలంగాణవాసులే ఉన్నట్లు ఆయన తెలిపారు. హైదరాబాదులో పెట్టుబడులు పెట్టినవారే సమైక్యాంధ్ర ఉద్యమం వెనక ఉన్నారని, ఆ ఉద్యమానికి పునాది లేదని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X