• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెలంగాణ ఏర్పాటంటే అది కాదు: ప్రణబ్

By Pratap
|

Pranab Mukherjee
న్యూఢిల్లీ: తెలంగాణ రాష్ట్రం ఏర్పాటు చేస్తామంటే అన్నిరాష్ట్రాలను విడగొడుతామని కాదని కేంద్ర మంత్రి ప్రణబ్ ముఖర్జీ అన్నారు. తెలంగాణ రాష్ట్ర ఏర్పాటు 60 ఏళ్ల నాటిదని ఆయన శనివారంనాడు అన్నారు. తెలంగాణ రాష్ట్ర ఏర్పాటుకు చాలా దశలు దాటాల్సి ఉంటుందని ఆయన అన్నారు. పార్లమెంటులో బిల్లు ప్రతిపాదించడానికి ముందు రాష్ట్రపతికి వాస్తవ పరిస్థితులు వివరించాల్సి ఉంటుందని ఆయన అన్నారు.

తెలంగాణ రాష్ట్ర ఏర్పాటుకు వ్యతిరేకంగా సీమాంధ్ర కాంగ్రెసు పార్లమెంటు సభ్యులు శుక్రవారం ప్రణబ్ ముఖర్జీని కలిశారు. ఆ సమయంలో వారిపై ప్రణబ్ చిరాకు పడ్డారు. తెలంగాణ విషయంలో కేంద్ర హోం మంత్రి పి. చిదంబరం చేసిన ప్రకటనలో కొత్త విషయమేమీ లేదని, యుపిఎ ఉమ్మడి కార్యాచరణ ప్రణాళికలో, రాష్ట్రపతి ప్రసంగంలో చెప్పిన విషయాన్నే చిదంబరం చెప్పారని ఆయన వివరించారు. వాటిని చదివి వినిపించారు. ఇప్పుడేం కొంపలు మునిగాయని ఆందోళన చెందుతున్నారని ఆయన అడిగారు. తెలంగాణ తీర్మానం పెడితే మద్దతిస్తామన్న తెలుగుదేశం పార్టీ అధ్యక్షుడు చంద్రబాబు మాట మారుస్తున్నారని, చంద్రబాబు ద్వంద్వ వైఖరిని ఎండగట్టడానికి బదులు ఇలా చేయడం సరి కాదని ఆయన వారితో అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X