• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

శాసనసభ నిరవధిక వాయిదా

By Pratap
|

Assembly
హైదరాబాద్: రాష్ట్రంలో రాజకీయ సంక్షోభం ముదిరింది. ముందుగా ఊహించినట్లుగానే శాసనసభా సమావేశాలు సోమవారం నిరవధికంగా వాయిదా పడింది. స్పీకర్ కిరణ్ కుమార్ రెడ్డి సభను నిరవధికంగా వాయిదా వేశారు. నిరవధిక వాయిదాకు రెవెన్యూ మంత్రి ధర్మాన ప్రసాదరావు తీర్మానం ప్రతిపాదించారు. సభ సోమవారం సమావేశం కాగానే సమైక్యాంధ్ర నినాదాలు, తెలంగాణ నినాదాలు చోటు చేసుకున్నాయి. దీంతో సభా కార్యక్రమాలు స్తంభించాయి. గత ఆరు రోజులుగా సభ సాగడం లేదు. ఇక కొనసాగే పరిస్థితి కూడా లేకపోవడంతో సభను నిరవధికంగా వాయిదా వేశారు.

కాగా, రాయలసీమ, కోస్తాంధ్ర శాసనసభ్యులు సమర్పించిన రాజీనామాలపై స్పీకర్ కిరణ్ కుమార్ రెడ్డి ఏ విధమైన నిర్ణయం తీసుకోలేదు. తెలంగాణపై కేంద్ర ప్రభుత్వం తీసుకున్న నిర్ణయానికి వ్యతిరేకంగా 140 మంది శాసనసభ్యులు రాజీనామాలు చేశారు. శాసనసభ నిరవధికంగా వాయిదా పడిన తర్వాత తెలంగాణ శాసనసభ్యులు, సీమాంధ్ర శాసనసభ్యులు విడివిడిగా సమావేశమయ్యారు. ముఖ్యమంత్రి కె. రోశయ్య సోమవారం మధ్యాహ్నం ఢిల్లీ బయలుదేరే అవకాశం ఉంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X