కాంగ్రెసు ఎంపీ లగడపాటి రాజగోపాల్ అరెస్టు

హైదరాబాద్: కాంగ్రెసు పార్లమెంటు సభ్యుడు లగడపాటి రాజగోపాల్ ను సోమవారం ఉదయం పోలీసులు అరెస్టు చేశారు. శంషాబాద్ విమానాశ్రయం వద్ద ఆయనను అరెస్టు చేసి పహడీ షరీఫ్ పోలీసు స్టేషనుకు తరలించారు. ఆయనకు స్వాగతం చెప్పడానికి అభిమానులు విమానాశ్రయానికి చేరుకున్నారు. ఆయన కాలినడకన విమానాశ్రయం నుంచి నడిచి వస్తుండగా కొద్ది దూరం వచ్చిన తర్వాత పోలీసులు ఆయనను అరెస్టు చేశారు.

తెలంగాణ రాష్ట్ర ఏర్పాటుకు శాసనసభలో తీర్మానం ప్రతిపాదించాలని ఆయన డిమాండ్ చేస్తున్నారు. తీర్మానం ప్రతిపాదించకపోతే తాను ఆమరణ నిరాహార దీక్ష చేస్తానని ఆయన హెచ్చరించారు. ఆయన హైదరాబాద్ వచ్చి ముఖ్యమంత్రి కె.రోశయ్యను కలవాల్సి ఉంది. తన డిమాండ్ ను రోశయ్య అంగీకరించకపోతే ఆమరణ నిరాహార దీక్ష చేయాలని నిర్ణయించుకున్నారు.