సోనియాకు కాంగ్రెసు తెలంగాణ నేతల కృతజ్ఞతలు

హైదరాబాద్: తెలంగాణకు అనుకూలంగా నిర్ణయం తీసుకున్నందుకు కాంగ్రెసు తెలంగాణ నాయకులు బుధవారం సాయంత్రం అభినందన సభ నిర్వహించారు. యుపిఎ చైర్ పర్సన్ సోనియా గాంధీకి, ప్రధాని మన్మోహన్ కు కృతజ్ఞతలు తెలుపుతూ అభినందన సభ తీర్మానం చేసింది. ఈ సభలో తెలంగాణకు చెందిన నాయకులందరూ పాల్గొన్నారు. తెలంగాణ రాష్ట్రం కావాలనే ప్రజల యాభై ఏళ్ల కలను కాంగ్రెసు అధిష్టానం సాకారం చేసిందని వక్తలు ప్రశంసించారు. తెలంగాణ రాష్ట్ర ఏర్పాటు ప్రక్రియను సాధ్యమైనంత త్వరగా పరిష్కారం చేయాలని కూడా వారు కేంద్ర ప్రభుత్వాని కోరారు.

సోనియా గాంధీ మీ ఉంటామని హామీ ఇచ్చిన నేపథ్యంలో తెలంగాణకు అనుకూలంగా తీసుకున్న నిర్ణయం ఎంతో ఆనందాన్నిచ్చిందని భారీ నీటి పారుదుల శాఖ మంత్రి పొన్నాల లక్ష్మయ్య చెప్పారు. ఈ సభలో మాజీ మంత్రులు కె.జానారెడ్డి, ఆర్ దామోదర్ రెడ్డి, పి.శివశంకర్ పాల్గొన్నారు. తెలంగాణ విషయంలో రాజీ లేదని పొన్నాల చెప్పారు.