ఆంధ్రప్రదేశ్ విభజన అన్యాయమౌతుంది: కావూరి

ఏలూరు : సెంటిమెంట్‌ ప్రాతిపదికన రాష్ట్ర విభజన అన్యాయమని కాంగ్రెస్‌ ఎంపీ కావూరి సాంబశివరావు అన్నారు. ఆదివారం ఆయన ఇక్కడ మీడియాతో మాట్లాడుతూ కొందరు తమ స్వార్థ రాజకీయాల కోసం విద్యార్థులను పావులుగా ఉపయోగించుకోవటం దారుణమన్నారు.

తెలంగాణలోనే కాదని, ఆంధ్రాలో కూడా చాలా ప్రాంతాలు వెనకబడి ఉన్నాయన్నారు. అందరూ కలిసి ఉంటేనే అభివృద్ధి సాధ్యమని కావూరి అభిప్రాయపడ్డారు. చాలా కాలంగా కావూరి సాంబశివరావు ప్రత్యేక తెలంగాణకు వ్యతిరేకంగా తన వాణిని కేంద్రంలో విన్పిస్తున్నారు.