మబ్బు దెబ్బ, ముంబై జెట్ విమాన సర్వీసు రద్దు

న్యూఢిల్లీ‌: ప్రతికూల వాతావరణంతో అమృతసర్‌, లేహ్‌, శ్రీనగర్‌కు వెళ్లాల్సిన ఆరు దేశీయ విమాన సర్వీసులను మాత్రం రద్దు చేసినట్టు ఎయిర్‌పోర్ట్‌ అధికారులు తెలిపారు. దేశ రాజధానిలో ఢిల్లీలో విమాన రాకపోకలు మామూలుగానే కొనసాగుతున్నాయి. ఆదివారం వాతావరణం అనుకూలించడంతో విమాన సర్వీసులకు పెద్దగా ఆటంకం కలగలేదు.

కొన్ని అంతర్జాతీయ విమానాలు మూడు గంటల వరకు ఆసల్యంగా నడుస్తున్నాయి. శనివారం ఉత్తరాదిన పొగమంచు కమ్మేయడంతో పలు విమాన సర్వీసులు రద్దయిన సంగతి తెలిసిందే. మరోవైపు పొగ మంచు కారణంగా హైదరాబాద్‌- శంషాబాద్‌ విమానాశ్రయం నుంచి ఉదయం 10 గంటలకు ముంబై వెళ్లాల్సిన జెట్‌ ఎయిర్‌వేస్‌ విమానం రద్దయింది.