చిదంబరంతో అన్నీ చెప్పాం: కె చంద్రశేఖర రావు

న్యూఢిల్లీ: కేంద్ర హోం మంత్రి పి. చిదంబరంతో అన్ని విషయాలు చెప్పినట్లు, తమ అభిప్రాయాలను అన్నింటినీ చిదంబరంతో చెప్పినట్లు తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు తెలిపారు. చిదంబరంతో ఆయన బుధవారంనాడు దాదాపు గంటపాటు సమావేశమయ్యారు. చిదంబరంతో చర్చలు సంతృప్తికరంగా సాగినట్లు ఆయన చెప్పారు. ఆయనతో పాటు జయశంకర్, విద్యాసాగరరావు చిదంబరాన్ని కలిసినవారిలో ఉన్నారు.

మంగళవారం అఖిల పక్ష సమావేశం పూర్తయిన తర్వాత కూడా కెసిఆర్ పెద్దగా మీడియాతో మాట్లాడలేదు. తాము తెలంగాణ రాష్ట్ర ఏర్పాటుకు నిర్దిష్ట కాలపరిమితిని కోరుకుంటున్నామని చెప్పారు. బుధవారంనాడు కూడా ఆయన మీడియాతో పెద్గగా మాట్లాడలేదు. కెసిఆర్ మౌనం వెనక ఆంతర్యమేమిటనేది ఎవరికీ అంతుబట్టడం లేదు.