రోశయ్యతో డిజిపి గిరీష్ కుమార్ భేటీ

హైదరాబాద్: ముఖ్యమంత్రి కె. రోశయ్యతో డిజిపి గిరీష్ కుమార్ శుక్రవారం ఉదయం భేటీ అయ్యారు. వైయస్ రాజశేఖర రెడ్డి మృతిపై ప్రసారమైన వార్తాకథనం నేపథ్యంలో రాష్ట్రంలో చెలరేగిన విధ్వంసం దృష్ట్యా డిజిపి సహా ఇతర ఉన్నతాధికారులు ముఖ్యమంత్రితో భేటీ అయ్యారు. రాష్ట్రంలో శాంతిభద్రతలపై ఈ సమావేశంలో సమీక్షించారు. అంతకు ముందు హోం మంత్రి సబితా ఇంద్రారెడ్డి ముఖ్యమంత్రితో సమావేశమయ్యారు.

ముఖ్యమంత్రితో శుక్రవారం ఉదయం మంత్రులు రఘువీరా రెడ్డి, గాదె వెంకటరెడ్డి కూడా భేటీ అయ్యారు. ఊహాజనిత వార్తాకథనాలు ప్రసారం చేసిన చానెళ్లపై చర్యలు తీసుకుంటామని డిజిపి అప్పటికే ప్రకటించారు. ఆ ప్రాసారాలను ఆపేయాలని ఆయన వెంటనే చానెళ్లకు తాఖీదులు కూడా జారీ చేశారు.