అదుర్స్ కథపై పోలీసులకు ఫిర్యాదు

కరీంనగర్: జూనియర్ ఎన్టీఆర్ నటించిన అదుర్స్ సినిమా కథ తనదేనంటూ రామిరెడ్డి అనే డిగ్రీ విద్యార్థి కరీంనగర్ వన్ టౌన్ పోలీసు స్టేషన్ లో ఫిర్యాదు చేశాడు. ఈ కథకు సంబంధించి తనకు గుర్తింపు ఇచ్చే వరకు పోరాటం సాగిస్తానని అతను అంటున్నాడు. పోలీసులు రామిరెడ్డి ఫిర్యాదును స్వీకరించి విచారణ ప్రారంభించారు. విచారణ పూర్తయిన తర్వాత తగిన చర్యలు తీసుకుంటామని పోలీసులంటున్నారు.

అదుర్స్ కథ తనదేనని, తాను జూనియర్ ఎన్టీఆర్ కు ఆ కథను ఇచ్చానని సినిమా విడుదలకు ముందు నుంచి రామిరెడ్డి మొత్తుకుంటున్నాడు. తనకు డబ్బులు అక్కర్లేదని, గుర్తింపు ఇస్తే చాలునని కూడా అంటున్నాడు. అయితే అదుర్స్ సినిమా ప్రదర్శన బహిష్కరణ గొడవలో రామిరెడ్డి గొంతు బయటి ప్రపంచానికి పెద్గగా వినిపించలేదు.