రోశయ్య తెలంగాణ ద్రోహి: మావో నేత

చర్ల: ఈ నెల 24న భద్రాచలం వస్తున్న సీఎం రోశయ్య పర్యటనను బహిష్కరించాలని మావోయిస్టు జిల్లా కమిటీ కార్యదర్శి కిరణ్‌ పిలుపునిచ్చారు. ఈ మేరకు పత్రికా విలేకరులకు లేఖలు పంపారు. తెలంగాణ పోరాటాన్ని పక్కదారి పట్టించేందుకు కేంద్ర ప్రభుత్వం ఏర్పాటుచేసిన శ్రీకృష్ణ కమిటీకి సీఎం రోశయ్య మద్దతు తెలుపుతున్నారని అన్నారు.

ప్రత్యేక తెలంగాణ అంశాన్ని పక్కదోవపట్టిస్తూ తెలంగాణ ప్రజల ఆకాంక్షను దెబ్బతీస్తూ ఆంధ్రా పెట్టుబడి దారులు, దోపిడీ దారులకు కొమ్ముగాస్తున్నారని ఆయన అరోపించారు. శ్రీకృష్ణ కమిటీ ఒక బూటకమని, విధివిధానాలు ఒక నాటకమని, ఈ కమిటీ డొల్ల తనాన్ని బహిరంగ పరుస్తూ ప్రజలంతా కలిసి కట్టుగా ఆ కమిటీని బహిష్కరించాలని పిలుపునిచ్చారు. ఉధృతంగా ఉన్న తెలంగాణ ఉద్యమాన్ని అణిచివేసేందుకు తెలంగాణ ప్రాంతంలో పారా మిలటరీ బల గాలను మోహరించిన ఆయనకు తెలంగాణ జిల్లాలలో పర్యటించే నైతిక హక్కు లేదని, పజలంతా ముఖ్యమంత్రి పర్యటనను బహిష్కరించాలని ఆ లేఖలో పిలుపునిచ్చారు.