జగన్ యాత్ర రాజకీయం కాదు: తులసిరెడ్డి

కాకినాడ: తమ పార్టీ కడప పార్లమెంటు సభ్యుడు వైయస్ జగన్ ఓదార్పు యాత్రలో రాజకీయ లేదని ప్రదేశ్ కాంగ్రెసు కమిటీ (పిసిసి) అధికార ప్రతినిధి తులసిరెడ్డి స్పష్టం చేశారు. జగన్ యాత్ర పూర్తిగా వ్యక్తిగతమైందని ఆయన శుక్రవారం మీడియా ప్రతినిధుల సమావేశంలో అన్నారు. ఓదార్పు యాత్రకు రాజకీయ ప్రమేయం లేదని ఆయన అన్నారు.

తెలుగుదేశం పార్టీ ప్రతిపక్షంగా తన బాధ్యతను సరిగా నిర్వర్తించలేకపోతోందని ఆయన విమర్శించారు. చంద్రబాబు ప్రజల విశ్వసనీయతను కోల్పోయారని, అందుకే కాంగ్రెసుపై విమర్శలు చేస్తున్నారని ఆయన అన్నారు. ముఖ్యమంత్రి రోశయ్య అందరి వాడని, రోశయ్య రాజకీయ భీష్మాచార్యుడని ఆయన అన్నారు.