పరిశీలించాకే థరూర్ పై చర్యలు: పిఎం

వాషింగ్టన్: చెప్పుడు మాటలపై విదేశీ వ్యవహారాల సహాయ మంత్రి శశి థరూర్ పై చర్యలు తీసుకోలేమని, అన్ని వాస్తవాలను పరిశీలించిన తర్వాతే అవసరమైతే చర్యలు తీసుకుంటామని ప్రధాని డాక్టర్ మన్మోహన్ సింగ్ అన్నారు. ఐపియల్ కొచ్చి ఫ్రాంచైజీ వివాదంపై ఆయన బుధవారం ప్రతిస్పందించారు. థరూర్ పై ఆరోపణలు గురించి తాను విన్నానని, నిజాలేమిటో తన వద్ద లేవని ఆయన మీడియా సమావేశంలో అన్నారు.

తాను ఢిల్లీ వెళ్లిన తర్వాత అన్ని విషయాలు పరిశీలిస్తానని, చర్య తీసుకోవడం అవసరమైతే తగిన పద్ధతిని అనుసరించాల్సి ఉఁటుందని ఆయన చెప్పారు. పత్రికల్లో వచ్చిన కథనాలను బట్టి తాను చర్యలు తీసుకోలేనని ఆయన అన్నారు. సునంద పుష్కర్ కు కొచ్చి ఫ్రాంచైజీలో ఉచితంగా 70 శాతం ఈక్విటీని శశి థరూర్ డిమాండ్ చేశారని ఆరోపణలు వచ్చాయి.