కరీంనగర్ జిల్లాలో ఎంపిపి అదృశ్యం

కరీంనగర్: కరీంనగర్ జిల్లాలో ఓ మండల ప్రజాపరిషత్ అధ్యక్షుడు మాయమయ్యాడు. అతని జాడ తెలియక కుటుంబ సభ్యులు ఆందోళన చెందుతున్నారు. కరీంనగర్ జిల్లా ఎల్లారెడ్డిపేట మండల ప్రజాపరిషత్ అధ్యక్షుడు (ఎంపిపి) కృష్ణహరి మంగళవారం రాత్రి 8 గంటల నుంచి కనిపించడం లేదు. దాంతో ఆయన కుటుంబ సభ్యులు పోలీసులకు ఫిర్యాదు చేశారు.

పోలీసులు రెండు బృందాలుగా ఏర్పడి కృష్ణహరి కోసం గాలిస్తున్నారు. కృష్ణహరి అహహరణకు గురైనట్లు కుటుంబ సభ్యులు ఆరోపిస్తున్నారు. కాంట్రాక్టు పనుల్లో భాగస్వాములతో వచ్చిన గొడవలతో ప్రత్యర్థులు ఆయనను కిడ్నాప్ చేసి ఉంటారని అనుమానిస్తున్నారు.