సోనియాతో రోశయ్య భేటీపై ఆసక్తి

హైదరాబాద్: ముఖ్యమంత్రి కె. రోశయ్య బుధవారం సాయంత్రం కాంగ్రెసు అధ్యక్షురాలు సోనియా గాంధీతో సమావేశం కానున్నారు. బుధవారం మధ్యాహ్నం ఆయన ఢిల్లీకి బయలుదేరి వెళ్తున్నారు. సాయంత్రం ఐదున్నర గంటలకు ఆయన సోనియాను కలుస్తారు. సొంత మంత్రివర్గాన్ని ఏర్పాటు ఏర్పాటు చేసుకునేందుకు ఆయన ప్రయత్నాలు చేస్తున్నారు. ఇందులో భాగంగానే ఆయన సోనియాను కలుస్తున్నట్లు సమాచారం. సోనియాతో రోశయ్య భేటీపై కాంగ్రెసు శాసనసభ్యుల్లో ఆసక్తి నెలకొంది.

రోశయ్య మంత్రివర్గ విస్తరణపై చాలా కాలంగా చర్చ జరుగుతోంది. అయితే ఎప్పటికప్పుడు మంత్రి వర్గ విస్తరణ అంశం వెనకబడిపోతోంది. ఇటీవలి ఢిల్లీ పర్యటన సందర్భంగా ఆ అంశం చర్చకు వచ్చినప్పటికీ సోనియా కలవకపోవడంతో రోశయ్య ఉత్తి చేతులతోనే హైదరాబాద్ తిరిగి వచ్చారు. మంత్రివర్గ విస్తరణపై అధిష్టానం నిర్ణయమే శిరోధార్యమని రోశయ్య అంటున్నారు.