• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెలంగాణ కాదంటే అంతర్యుద్ధమే: కెసిఆర్

By Pratap
|

K Chandrasekhar Rao
న్యూఢిల్లీ: కేంద్ర ప్రభుత్వం గానీ శ్రీకృష్ణ కమిటీ గానీ సమైక్యవాదం వైపు చూస్తే అంతర్యుద్ధం తప్పదని తెలంగాణ రాష్ట్ర సమితి (తెరాస) అధ్యక్షుడు కె.చంద్రశేఖర రావు అన్నారు. శ్రీకృష్ణ కమిటీ సభ్యులతో భేటీ తర్వాత ఆయన శుక్రవారం సాయంత్రం మీడియా ప్రతినిధులతో మాట్లాడారు. ఆంధ్రాతో తెలంగాణ విలీనం భేషరతుగా జరగలేదని, అది శాశ్వతం కూడా కాదని, విలీనం షరతుల మీద జరిగిందని, అదే పెద్దమనుషుల ఒప్పందమని, అది నూటికి నూరుశాతం ఉల్లంఘన జరిగిందని, కలిసి ఉండటం, ఉండకపోవడం అన్నది పరస్పర అవగాహనపైన ఆధారపడి ఉంటుందని ఆయన అన్నారు. సమైక్య రాష్ట్రం ఉండాలన్నది పసలేని పనికిరాని చెత్త వాదన అని ఎన్ని సమస్యలున్నా తెలంగాణ ప్రజలు అన్నింటినీ మించి ఆత్మగౌరవం, స్వయంపాలన కోరుకుంటున్నారని, ఎట్టి పరిస్థితుల్లోనూ సమైక్య రాష్ట్రంలో కొనసాగే ప్రసక్తేలేదని ఆయన అన్నారు. ఒకవేళ మీ కమిటీ కానీ, కేంద్ర ప్రభుత్వంకానీ అటువైపు ఆలోచించినా.. కచ్చితంగా ఇది అంతర్‌యుద్ధం వైపే దారితీస్తుంది.

Telangana Liberation day:నిజాం రజాకార్ల నిరంకుశ పాలన నుంచి విముక్తి ఎలా కలిగింది..?

ఇది కొంతమంది వెలిబుచ్చిన అభిప్రాయాలమీద వేసిన కమిటీయే తప్ప తెలంగాణ కావాలా? వద్దా? అని తేల్చే కమిటీ కాదని, ఇప్పుడు కొంతమంది వ్యక్తంచేస్తున్న వ్యతిరేకత నిజమా? కాదా? అని చూడటం వరకే దీని పని అని ఆయన అన్నారు. తెలంగాణ, సమైక్యవాదనలను పరిశీలించి 9వ తేదీ కేంద్ర ప్రభుత్వం తీసుకున్న నిర్ణయమే సరైందే, దాని ప్రకారమే వెళ్లాలని కమిటీ చెబుతుందని ధీమా వ్యక్తంచేశారు. తెలంగాణ ఎంత జాప్యంచేస్తే అంత అసహజమైన పరిణామాలు చోటుచేసుకుంటాయని అన్నారు. డిసెంబర్ 31 తర్వాత ఏం చేయాలనే విషయంపై వ్యూహరచన చేస్తున్నట్లు ఆయన తెలిపారు. ఓ పనికి మాలిన ఎంపీ ప్రేమలేఖలు రాసినట్లు గుర్తొచ్చినప్పుడల్లా నివేదికలు అందిస్తున్నారని లగడపాటి నుద్దేశించి అన్నారు. కన్సల్టెంట్లను పెట్టుకొని వారు రాసిచ్చే అడ్డమైన సమాచారాన్ని నివేదిక రూపంలో సంతకంపెట్టి అందిస్తున్నారని ధ్వజమెత్తారు.

తెలంగాణ వాదం బలహీనపడుతోందన్న వాదనలను కేసీఆర్‌ తోసిపుచ్చారు. జగన్‌, చంద్రబాబు పర్యటనల సమయంలో తెలంగాణలో ఇరాక్‌లోని పరిస్థితులు సృష్టిస్తున్నారని, తెలంగాణ వాదులందరినీ జైళ్లలో పెట్టి వీళ్లు పర్యటనలు చేస్తున్నారని దుయ్యబట్టారు. కొత్తగూడెంలో జగన్‌ పర్యటన అర్ధాంతరంగా ముగించుకొని పోయినా దొంగ మీడియా దాన్ని దాచిపెడుతోందని ఆరోపించారు. ట్రిక్‌ ఫొటోగ్రఫీతో దొంగ ఫొటోతీసి జగన్‌మోహన్‌రెడ్డికి జనం వచ్చినట్లు చూపెడుతున్నారని ధ్వజమెత్తారు. తాను మొత్తం మీడియాను అనడంలేదని, దుర్మార్గం చేసేవాళ్లనే విమర్శిస్తున్నామని చెప్పారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X