చిరు వల్లే టిడిపి ఓటమి: మురళీ మోహన్

రాజమండ్రి: గత ఎన్నికల్లో చిరంజీవి నాయకత్వంలోని ప్రజారాజ్యం పార్టీ వల్లనే తెలుగుదేశం పార్టీ ఓడిపోయిందని సినీ నటుడు, తెలుగుదేశం నాయకుడు మురళీమోహన్ అన్నారు. ఓట్ల చీలికకు ప్రజారాజ్యం పార్టీ కారణమైందని ఆయన శుక్రవారం మీడియా ప్రతినిధులతో అన్నారు.

తెలుగు చలన చిత్ర పరిశ్రమ మనుగడ ప్రశ్నార్థకంగా మారిందని ఆయన అభిప్రాయపడ్డారు. నటుల పారితోషికం పెరగకుండా చర్యలు చేపడతామని ఆయన అన్నారు. పెద్ద హీరోలు భారీ పారితోషికం తీసుకోకుండా చర్యలు తీసుకుంటామని ఆయన అన్నారు. పారితోషికానికి పరిమితి పెడతామని ఆయన అన్నారు.