విశాఖ జిల్లాలో మావోల విధ్వంసం

విశాఖపట్నం: విశాఖపట్నం జిల్లాలో మావోయిస్టులు విధ్వంసానికి దిగారు. గ్రీన్ హంట్ కు వ్యతిరేకంగా మావోయిస్టులు రెండు భారీ వాహనాలను దగ్ధం చేశారు. విశాఖ జిల్లా కేడి పేట మండలం కొయ్యూరులో చెట్లను నరికి రోడ్డుకు అడ్డంగా వేశారు. దాంతో ఈ మార్గంలో వాహనాల రాకపోకలకు తీవ్ర అంతరాయం కలిగింది.

గ్రీన్ హంట్ కు వ్యతిరేకంగా మావోయిస్టులు ఆంధ్ర - ఒడిషా సరిహద్దులో ఆరు రోజుల పాటు ఈ నెల 30వ తేదీ వరకు బంద్ కు పిలుపునిచ్చారు. దీంతో ఆంధ్రా - ఒడిషా సరిహద్దులో వాహనాల రాకపోకలు నిలిచిపోయాయి. మన్యంలో భారీగా పోలీసు బలగాలను మోహరించారు.