గాలి రెడ్డికి మరో నాన్ బెయిలబుల్ వారెంట్

బళ్లారి: కర్ణాటకలో గనుల తవ్వకానికి సంబంధించిన ఓ కేసులో కర్ణాటక పర్యాటక శాఖ మంత్రి, బిజెపి నాయకుడు గాలి జనార్దనరెడ్డిపై మరో నాన్‌బెయిలబుల్‌ వారంట్‌(ఎన్‌బీడబ్ల్యూ) జారీ అయింది. బళ్లారి జిల్లాలోని సండూర్‌ ఫస్ట్‌ క్లాస్‌ జ్యుడీషియల్‌ మేజిస్ట్రేట్‌ కె.కె.అమర్‌నాథ్‌ శనివారం ఈ వారంట్‌ను జారీచేశారు. మంత్రి మే 28లోగా తన ఎదుట హాజరుకావాలని ఆదేశించారు.

ఈ కోర్టు గాలి జనార్దన రెడ్డిపై ఎన్‌బీడబ్ల్యూ జారీచేయడం (గత డిసెంబరు నుంచి ఇప్పటివరకు) ఇది మూడోసారి. కర్ణాటక-ఆంధ్రప్రదేశ్‌ గని ప్రాంతాల సరిహద్దుల మార్కింగ్ ‌లో మార్పులు చేశారంటూ తపాల్‌ నారాయణ రెడ్డి అనే మరో గని యజమాని గాలి జనార్దనరెడ్డిపై కేసు పెట్టారు. దానిపైనే ఈ ఎన్ ‌బీడబ్ల్యూలు జారీఅయ్యాయి.