'మూర్ఖులమే, మా గురించి కెసిఆర్ కెందుకు'

హైదరాబాద్‌: టీఆర్‌ఎస్‌ అధినేత కే చంద్రశేఖరరావు చేసిన విమర్శలను ప్రశంసలుగా భావిస్తున్నామని సీపీఎం రాష్ట్ర కార్యదర్శి రాఘవులు అన్నారు. ఆదివారం ఆయన విలేకరులతో మాట్లాడారు. కేసీఆర్‌ కు నోరు పారేసుకోవడం అలవాటేనని అన్నారు. మూర్ఖులం, అజ్ఞానులమే అయితే తమ గురించి ఎందుకు పట్టించుకోవాలని కేసీఆర్‌ను రాఘవులు ప్రశ్నించారు.

సమైక్యాంధ్రకు అనుకూలంగా శ్రీకృష్ణకమిటీకి నివేదిక ఇచ్చిన సీపీఎంపై కేసీఆర్‌ మండిపడిన విషయం తెలిసిందే. సీపీఎం మూర్ఖుల, అజ్ఙానుల పార్టీ అని ధ్వజమెత్తారు. మరో వామపక్ష పార్టీ సిపిఐ ప్రత్యేక తెలంగాణకు మద్దతు ఇస్తోంది.