మంగళూరు-దోహా ఫ్లైట్ రద్దు

మంగళూరు: మంగళూరు నుంచి దోహా బయలుదేరిన విమానాన్ని ఆదివారం ఆఖరి క్షణంలో రద్దు చేశారు. ఆరాతీస్తే విమానంలో సాంకేతిక లోపం తలెత్తడంతో సర్వీసును రద్దు చేసినట్లు విమానాశ్రయ అధికారులు వెల్లడించారు. రన్‌ వేపై ప్రయాణానికి సిద్ధంగా ఉన్న విమానాన్ని వెనక్కు పిలిపించడంతో ప్రయాణీకులు కంగారుపడ్డారు. విషయం తెలిసి అధికారులపై మండిపడ్డారు. ఘోర విమాన ప్రమాదం సంభవించిన మరుసటి రోజే ఈ ఘటన కలకలం కలిగిస్తోంది.

ఇలా ఉండగా మంగళూరు విమాన ప్రమాద దుర్ఘటనా స్థలి వద్ద అధికారులు ఆదివారం బ్లాక్‌ బాక్స్‌ ను గుర్తించారు. ఈ బ్లాక్‌ బాక్స్‌ ను విశ్లేషిస్తే విమాన ప్రమాదానికి గల కచ్చితమైన కారణాలు తెలుస్తాయని విమానాశ్రయ అధికారులు వెల్లడించారు. కర్నాటకలోని మంగళూరు నుంచి దుబాయి ప్రయాణిస్తున్న విమానం కుప్పకూలిన దుర్ఘటనలో 160 మందికి పైగా ప్రయాణీకులు మృతిచెందడం తెలిసిందే.