యెడ్యూరప్పతో రోశయ్య తెలుగు భాషా సమరం

హైదరాబాద్: కర్నాటక ముఖ్యమంత్రి యెడ్యూరప్పపై ఆంధ్రప్రదేశ్ ముఖ్యమంత్రి కె. రోశయ్య తెలుగు భాషపై సమరం చేస్తున్నారు. కర్నాటకలోని పాఠశాలల్లో తెలుగు భాష స్థానంలో ఆంగ్ల భాషను ప్రవేశపెట్టడాన్ని వ్యతిరేకిస్తూ ఆయన యెడ్యూరప్పకు లేఖలు రాశారు. గతంలో ఇరు రాష్ట్రాల మధ్య జరిగిన ఒప్పందానికి కట్టుబడి తెలుగు భాషను కొనసాగించాలని ఆయన యెడ్యూరప్పను కోరారు. ఇరు రాష్టాల మధ్య కుదిరిన ఒప్పందం ప్రకారం కొన్ని పాఠశాలల్లో కర్నాటక తెలుగును కొనసాగించాల్సి ఉంటుంది.

అలాగే, ఆంధ్ర సరిహద్దుల్లో గల కర్నాటక ప్రాంతాల్లో ఆంధ్రప్రదేశ్ ప్రభుత్వం కన్నడ భాషను పదో తరగతి వరకు అనుమతిస్తోంది. వారికి ఉచితంగా విద్యను అందించడమే కాకుండా పాఠ్యపుస్తకాలను కూడా అందజేస్తోంది. బళ్లారి, బీదర్, రాయచూర్, బెంగళూర్ తదితర ప్రాంతాల్లో తెలుగు పాఠశాలలు ఉన్నాయి.