ఆ పార్టీల నేతలు గ్రామాల్లోకి వస్తే రాళ్లతో కొడ్తాం: కోదండరామ్

హైదరాబాద్: తెలంగాణకు వ్యతిరేకంగా పనిచేస్తున్న పార్టీ నాయకులు ఉప ఎన్నికల ప్రచారం కోసం గ్రామాల్లోకి వస్తే రాళ్లతో దాడి చేస్తామని తెలంగాణ రాజకీయ ఐక్య కార్యాచరణ కమిటీ (జెఎసి) కన్వీనర్ కోదండరామ్ హెచ్చరించారు. ఆ పార్టీలు ఉప ఎన్నికల్లో పోటీ చేస్తే తీవ్ర పరిణామాలు ఉంటాయని ఆయన మంగళవారం మీడియా ప్రతినిధులతో అన్నారు.

కాగా, ఉప ఎన్నికల్లో తెలంగాణ అమర వీరుల కుటుంబాలకు మద్దతు ఇవ్వాలని ఒయు జెఎసి విద్యార్థులు మంగళవారం తెలుగుదేశం పార్టీ అధ్యక్షుడు నారా చంద్రబాబు నాయుడు కలిసి విజ్ఞప్తి చేశారు. ఎన్నికల్లో తెలుగుదేశం పార్టీ పోటీ చేయవద్దని వారు కోరారు.