ఖైదీలు సామాజిక సేవ చేసేలా చట్టసవరణ: సబిత

హైదరాబాద్‌: నెల నుంచి 6 నెలల శిక్షపడిన ఖైదీలు సామాజిక సేవ చేసేలా చట్టసవరణ చేయాలని ప్రభుత్వం నిర్ణయించింది. వచ్చే అసెంబ్లీ సమావేశాల్లో చట్ట సవరణ బిల్లును ప్రవేశపెడతామని హోంమంత్రి సబితా ఇంద్రారెడ్డి బుధవనారం మీడియా ప్రతినిధులతో తెలిపారు. దీంతోపాటు జైళ్లలో ప్రైవేట్‌ పరిశ్రమలు ఏర్పాటుచేసి ఖైదీలకు ఉపాధి కల్పనా కార్యక్రమాలు చేపట్టేందుకు నిర్ణయించినట్లు ఆమె చెప్పారు.

జైళ్లలో బీపీవో పరిశ్రమలకు అనుమతి ఇవ్వాలని ముఖ్యమంత్రి రోశయ్య ఆదేశించినట్లు ఆమె తెలిపారు. ఖైదీల వేతనాలు రూ.30 నుంచి రూ. 70 వరకు పెంచినట్లు చెప్పారు. ఖైదీల వల్ల నష్టపోయిన కుటుంబాలను ఆదుకునేందుకు విక్టిమ్‌ ఫండ్‌ ఏర్పాటు చేయాలని నిర్ణయించినట్లు ఆమె తెలియజేశారు.