ఆదిలాబాద్ జిల్లాలో ప్రేమ పేరిట మరో ఉన్మాద చర్య

ఆదిలాబాద్‌: జిల్లాలో మరో ప్రేమోన్మాదం చోటుచేసుకుంది. ఇద్దరు యువతులపై నిన్న ఓ ప్రేమోన్మాది దాడి చేసిన ఘటన మరవకముందే మరో యువతిపై దాడి జరిగింది. తిర్యాని మండలం పెందూరుగూడలో ఈ తెల్లవారుజామున ఓ ప్రేమోన్మాది కనకవిజయలక్ష్మి అనే మహిళ గొంతు కోసి పరారయ్యాడు.

తీవ్రంగా గాయపడిన ఆ యువతిని స్థానికులు ఆసుపత్రికి తరలించారు. కేసు నమోదు చేసుకున్న పోలీసులు నిందితుడి కోసం గాలిస్తున్నారు. మంచిర్యాల మండలం శ్రీరాంపూర్‌ లో నిన్న ఇద్దరు యువతులపై దాడికి దిగిన ఓ ప్రేమోన్మాది రైలు కింద పడి ఆత్మహత్య చేసుకున్న ఘటన విదితమే.