పాకిస్తాన్ లో గ్యాస్ పేలుడు: 18 మంది దుర్మరణం

ఇస్లామాబాద్: పాకిస్తాన్‌లో సోమవారం ఉదయం భారీ గ్యాస్ పేలుడు సంభవించింది. ఈ ఘటనలో 18 మంది దుర్మరణం చెందగా, సుమారు 40 మంది తీవ్రంగా గాయపడ్డారు. కరాచీకి 160 కిలోమీటర్ల దూరంలో ఉన్న హైదరాబాద్‌లో పట్టణంలో ఈ ఘటన చోటు చేసుకుంది. ఈ ప్రమాదం ఉగ్రవాదుల వల్ల జరిగిందికాదని, యాదృచ్చికంగా జరిగిందని అధికారులు పేర్కొన్నారు.

ఎల్పిజీ కంటైనర్ వల్ల అనుకోకుండా ఈ ప్రమాదం జరిగిందని, ఈ పేలుడు దాటికి పలు భవనాలు, పార్క్ చేసిన బస్సులు, ట్రక్కులు ధ్వంసమైనాయని పోలీసులు పేర్కొన్నారు. సంఘటనా ప్రదేశానికి చేరుకున్ని భద్రతా, రిస్క్యూ సిబ్బంది క్షతగాత్రులను సమీపంలో ఉన్న పలు ఆస్రత్రులకు తరలించి, సహాయ కార్యక్రమాలు చేపట్టారు.