కడప జిల్లా పేరు వైయస్సార్ జిల్లాగా మార్చుతూ ఉత్తర్వులు

హైదరాబాద్‌: కడప జిల్లా పేరు మారింది. దీన్ని ఈరోజునుంచి వైయస్సార్ జిల్లాగా వ్యవహరిస్తారు. వివిధ వర్గాల అభ్యంతరాలు, విన్నపాలు పరిశీలించిన అనంతరం 1974 ఆంధ్రప్రదేశ్‌ జిల్లాల చట్టానికి అనుగుణంగా ప్రభుత్వం ఈ నిర్ణయం తీసుకుంది. అనంతరం రెవిన్యూశాఖ తుది ప్రకటన జారీ చేసింది. ఈరోజునుంచి గెజిట్‌లో కూడా పేరు మారుస్తారు.

ఇలా ఉండగా దివంగత ముఖ్యమంత్రి వై.ఎస్‌.రాజశేఖరరెడ్డి జయంతి సందర్భంగా ఇడుపులపాయలోని వై.ఎస్‌.ఆర్‌ ఘాట్‌ వద్ద కోలాహలం నెలకొంది. వై.ఎస్‌.సతీమణి విజయమ్మ, ఆమె కుటుంబసభ్యులు, సన్నిహితులు వై.ఎస్‌కు నివాళులు అర్పించారు.