సోహ్రబుద్దీన్ కేసులో గుజరాత్ మంత్రి అమిత్ షాకు సిబిఐ సమన్లు

న్యూఢిల్లీ: లష్కరే తోయిబా అనుమానిత కార్యకర్త సోహ్రబుద్దీన్ ఎన్ కౌంటర్ కేసులో కేంద్ర దర్యాప్తు సంస్థ (సిబిఐ) గుజరాత్ హోం మంత్రి అమిత్ షాకు సమన్లు జారీ చేసింది. ఎన్ కౌంటర్లో పాలు పంచుకున్న పోలీసులతో షా ఫోన్ లో మాట్లాడినట్లు ఆధారాలున్నాయని సిబిఐ అంటోంది. మంత్రికి వ్యతిరేకంగా తమ వద్ద తగిన సాక్ష్యాధారాలున్నాయని సిబిఐ చెప్పింది.

సోహ్రబుద్దీన్ ను గుజరాత్ ఉగ్రవాద నిరోధక బలగానికి చెందిన పోలీసులు 2005 నవంబర్ 26వ తేదీన బూటకపు ఎన్ కౌంటర్లో చంపినట్లు ఆరోపణలు వచ్చాయి. సుప్రీంకోర్టు ఆదేశాల మేరకు సిబిఐ గుజరాత్, రాజస్తాన్ పోలీసులపై కేసులు నమోదు చేసింది. సిబిఐ కేసును చేపట్టిన తర్వాత తొలిసారి ఐపియస్ అధికారి అభయ్ చూడసామాను అరెస్టు చేసింది.