• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

తెలంగాణకు ఎసరు: చంద్రబాబుపై రాజ్ న్యూస్ అటాక్

By Pratap
|

Raj News
హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడు తెలంగాణ సాగునీటి ప్రాజెక్టులకు ఎసరు పెట్టడంలో విజయం సాధించారని తెలంగాణ గుండె చప్పుడు రాజ్ న్యూస్ వ్యాఖ్యానించింది. బాబ్లీ వ్యతిరేక పోరాటం ద్వారా చంద్రబాబు తెలంగాణ ప్రాజెక్టులకు మరిన్ని కష్టాలు తెచ్చి పెట్టారని, తెలంగాణ వ్యతిరేక వ్యూహంలో చంద్రబాబు విజయం సాధించారని రాజ్ న్యూస్ వ్యాఖ్యానించింది. తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు ఆధ్వర్యంలో రాజ్ న్యూస్ తెలంగాణ గుండె చప్పుడు టీవీ చానెల్ ఆ మధ్య కాలంలో ప్రారంభమైంది. తెలంగాణ దృష్టి కోణం నుంచి వార్తాకథనాలను విశ్లేషించడానికి ఈ టీవీ చానెల్ ప్రాధాన్యం ఇస్తుంది.

చర్చల ద్వారా, సామరస్యపూర్వకంగా జలవివాదాలను పరిష్కరించుకోవడానికి బదులు రెండు రాష్ట్రాల ప్రజల మధ్య చిచ్చు పెట్టి తెలంగాణకు తీరని అన్యాయం చేయడానికి చంద్రబాబు పూనుకున్నారనేది రాజ్ న్యూస్ ప్రధానమైన ఆరోపణ. మహారాష్ట్రతో జలవివాదం, బాబ్లీ వివాదం పరిష్కారానికి ఒక బోర్డును ఏర్పాటు చేయించడం సరైన మార్గమని తెలంగాణ జెఎసి కన్వీనర్ కోదండరామ్ రాజ్ న్యూస్ ప్రతినిధితో అన్నారు. చంద్రబాబు వివాదాన్ని ఇరు రాష్ట్రాల ప్రజల మధ్య చిచ్చుపెట్టేందుకు వాడుకున్నారని ఆరోపించింది. మహారాష్ట్రలోని తెలుగు ప్రజలకు చంద్రబాబు వల్ల రక్షణ లేకుండా పోయిందని వ్యాఖ్యానించింది. మహారాష్ట్రకు బతకడానికి వెళ్లిన తెలంగాణ ప్రజలకు ఏమైనా జరిగితే అందుకు చంద్రబాబు బాధ్యత వహించాల్సి ఉంటుందని తెలంగాణవాదులు హెచ్చరిస్తున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X