'చలో బళ్ళారి' యాత్రలో కర్ణాటక కాంగ్రెసు నాయకులు

బెంగుళూరు: కర్ణాటక రాష్ట్రంలో కొనసాగుతున్న అక్రమ మైనింగ్‌ కార్యకలాపాలకు వ్యతిరేకంగా కర్ణాటక కాంగ్రెసు‌ నేతలు 'ఛలో బళ్లారి' పేరిట నేటినుంచి పాదయాత్ర నిర్వహించనున్నారు. బెంగుళూరు నగరంనుంచి ప్రారంభమయ్యే ఈ పాదయాత్ర 15 రోజుల అనంతరం బళ్లారికి చేరుకుంటుందని కర్ణాటక ప్రదేశ్‌ కాంగ్రెసు‌ కమిటీ అధ్యక్షడు దేశ్‌పాండే తెలిపారు.

బెంగుళూరు నగరం, గ్రామీణ, తుంకూరు, చిత్రదుర్గ, బళ్లారి జిల్లాల ద్వారా ఈ పాదయాత్ర సాగుతుందని ఆయన వివరించారు. రాష్ట్ర ప్రభుత్వం అన్నీ రంగాల్లోనూ వైఫల్యం చెందిందని దీనిపై మార్గమధ్యంలో ఏర్పాటు చేసే సభల్లో ప్రజలకు వివరిస్తామని కాంగ్రెసు‌నేత సిద్దరామయ్య తెలిపారు.