• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

దొడ్డిదారిన చాకలి శ్రీనివాస్ మృతదేహం నిజామాబాద్ కు తరలింపు

By Pratap
|

Telangana
హైదరాబాద్: తెలంగాణ కోసం ఆత్మహత్య చేసుకున్న చాకలి శ్రీనివాస్ మృతదేహాన్ని హైదరాబాదులోని యశోద ఆస్పత్రి నుంచి దొడ్డి దారిన పోలీసులు సోమవారం నిజామాబాద్ కు తరలించారు. దీనిపై తెలంగాణ రాష్ట్ర సమితి (తెరాస) నాయకులు, తెలంగాణవాదులు తీవ్ర ఆగ్రహం వ్యక్తం చేశారు. శ్రీనివాస్ మృతదేహాన్ని గన్ పార్కుకు తరలించి నివాళులు అర్పించి నిజామాబాద్ తరలించాలని ప్రయత్నించిన తెలంగాణవాదుల ప్రయత్నాలను పోలీసులు భగ్నం చేశారు. చాకలి శ్రీనివాస్ ఒంటిపై కిరోసిన్ పోసుకుని నిప్పంటించుకుని ఆత్మహత్య చేసుకున్నాడు.

పోలీసు ఉన్నతాధికారి లడ్హాపై తెరాస నాయకుడు నాయని నర్సింహా రెడ్డి తీవ్ర ఆగ్రహం వ్యక్తం చేశారు. శ్రీనివాస్ తల్లి, ఇతర కుటుంబ సభ్యులు ఆస్పత్రి వద్ద నిరీక్షిస్తున్నారని, వారికి కూడా తెలియకుండా పోలీసులు శ్రీనివాస్ మృతదేహాన్ని తరలించారని ఆయన మండిపడ్డారు. శ్రీనివాస్ చిన్నాయనతో మృతదేహాన్ని నిజామాబాద్ తరలించినట్లు పోలీసులు చెబుతుండడాన్ని ఆయన ఖండించారు. శ్రీనివాస్ మృతదేహానికి సిరికొండలో అంత్యక్రియలు జరుగుతాయి. ఈ అంత్యక్రియలకు తెరాస అధ్యక్షుడు కె చంద్రశేఖర రావు, తెలంగాణ జెఎసి కన్వీనర్ కోదండరామ్ హాజరవుతున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X