ప్రజల తీర్పును గౌరవిస్తాం: ఫలితాలపై సిఎం రోశయ్య

హైదరాబాద్‌: ఉప ఎన్నికల ఫలితాలపై ముఖ్యమంత్రి కె. రోశయ్య స్పందించారు. ప్రజల తీర్పును గౌరవిస్తామని ఆయన శుక్రవారం మీడియా ప్రతినిధులతో అన్నారు. ఉప ఎన్నికల ప్రచారంలో ఆయన పాల్గొనలేదు. ఎన్నికల నిర్వహణ బాధ్యతను ఆయన మంత్రులకు అప్పగించారు. అయినా కాంగ్రెసు పార్టీకి ఓటమి తప్పలేదు.

తెలంగాణలోని 12 శాసనసభా నియోజకవర్గాల్లో జరిగిన ఉప ఎన్నికల్లో ప్రచారం బాధ్యతలు తెలంగాణకు చెందిన మంత్రులకు అప్పగించి ఆయన దూరంగా ఉన్నారు. ఒక్కో నియోజకవర్గం బాధ్యతను ముగ్గురు, నలుగురేసి మంత్రల మీద పెట్టారు. సబితా ఇంద్రారెడ్డి, శ్రీధర్ బాబు వంటి మంత్రులు ప్రచారంలో చురుగ్గా పాల్గొన్నారు.