కాశ్మీర్ లోని లెహ్ లో కుంభవృష్టికి 54 మంది మృతి

శ్రీనగర్: జమ్మూకాశ్మీర్‌లోని లేహ్‌ జిల్లాలో గురువారం రాత్రి కుంభవృష్టి కురిసింది. భారీ వర్షాలకు పలు ప్రాంతాల్లో భవనాలు నేలకూలాయి. ఈ ఘటనలో 54 మంది మృతి చెందినట్లు సమాచారం. శిథిలాల నుంచి ఇప్పటివరకూ 10 మృతదేహాలను వెలికితీశారు. సహాయ కార్యక్రమాలు కొనసాగుతున్నాయి. మృతుల సంఖ్య పెరిగే అవకాశం ఉంది.

పాలిటెక్నిక్ కళాశాల, బిఎస్ఎన్ఎల్ కేంద్ర కార్యాలయం, ఇండో - టిబెటన్ బోర్డర్ పోలీసు క్యాంపు, పలు ప్రభుత్వ కార్యాలయాల భవనాలు ధ్వంసమయ్యాయి. లెప్ విమానాశ్రయంపై కూడా కుంభవృష్టి ప్రభావం పడింది. గాయపడిన 160 మంది ఆస్పత్రుల్లో చికిత్స పొందుతున్నారు. సమాచార వ్యవస్థ పూర్తిగా దెబ్బ తిన్నది.