ఆస్ట్రేలియాలో ఆంధ్ర యువకుడి అనుమానాస్పద మృతి

విశాఖపట్నం: ఆస్ట్రేలియాలోని బెన్‌ట్రస్ట్‌లో విశాఖపట్నానికి చెందిన ఇందుపురి బెంజిమన్‌ అనే యువకుడు అనుమానాస్పద స్థితిలో మృతి చెందాడు. బెన్‌ట్రస్ట్‌లోని కంట్రీఎనర్జీ సంస్థలో బెంజిమన్‌ 4 నెలలుగా సిస్టమ్స్‌ అడ్మినిస్ట్రేటర్‌గా పనిచేస్తున్నాడు. అతని మృతి విషయం విశాఖపట్నంలోని తల్లిదండ్రులకు అందింది.

బెంజిమన్ తన ఇంట్లోనే శవమైన కనిపించాడు. మూడు రోజుల క్రితం మరణ సమాచారం విశాఖపట్నంలోని కుటుంబ సభ్యులకు అందింది. మరణం గురించి సమాచారం ఇచ్చిన పోలీసులు అందుకు గల కారణాలు చెప్పలేదని బెంజిమన్ కుటుంబ సభ్యులు అంటున్నారు. మృతదేహాన్ని పంపిస్తున్నామని మాత్రం చెప్పారని వారన్నారు.