ఆత్మహత్య చేసుకుంటానని డాక్టర్ తులసి బెదిరింపు

విశాఖపట్నం: జిల్లా కలెక్టర్ శ్యామలరావు వేధింపులకు నిరసనగా ఆత్మహత్య చేసుకుంటానని డాక్టర్ తులసి బెదిరించారు. జిల్లాలోని సబ్బవరం ప్రాథమిక ఆరోగ్య కేంద్రం (పిహెచ్ సీ)లో పనిచేస్తున్న డాక్టర్ తులసి విధుల పట్ల నిర్లక్ష్యం వహిస్తున్నారని ఆరోపణలు వచ్చాయి. దీంతో డాక్టర్ శ్యామలరావు విచారణకు ఆదేశించారు. కలెక్టర్ ఆదేశాల మేరకు జిల్లా వైద్యాధికారి స్వరాజ్య లక్ష్మి విచారణ చేపట్టారు. దీంతో శ్యామలరావు తనను వేధిస్తున్నారని, ఆత్మహత్య చేసుకుంటానని తలసి బెదిరించారు.

తులసి బెదిరింపులపై పోలీసు స్టేషనులో కేసు నమోదైంది. పోలీసులు దర్యాప్తు చేస్తున్నారు. జిల్లాలోని ప్రభుత్వ వైద్యుల తీరుపై కలెక్టర్ ప్రధానంగా దృష్టి పెడుతున్నారు. గిరిజన ప్రాంతాల్లోని ప్రభుత్వాస్పత్రులకు వైద్యులు హాజరు కావడం లేదని ఫిర్యాదులు వస్తున్నాయి. దీంతో శ్యామలరావు వాటిపై దృష్టి పెట్టారు. ఈ క్రమంలోనే తులసి అలసత్వంపై కూడా శ్యామలరావు విచారణకు ఆదేశించారు.