పురంధేశ్వరి దంపతులపై వైయస్ వివేకానంద రెడ్డి ఫైర్

తిరుపతి: కేంద్ర మంత్రి దగ్గుబాటి పురంధేశ్వరి, వేంకటేశ్వర రావు దంపతులపై దివంగత నేత వైయస్ రాజశేఖర రెడ్డి సోదరుడు, ఎమ్మెల్సీ వైయస్ వివేకానంద రెడ్డి ఫైర్ అయ్యారు. టిటిడి విషయంలో తనపై వచ్చిన ఆరోపణలపై విచారణ జరిపించాలని డిమాండ్ చేస్తూ ఆమరణ దీక్ష ప్రారంభించిన టిటిటి మాజీ చైర్మన్ భూమన కరుణాకర్ రెడ్డిని ఆయన శుక్రవారం పరామర్శించారు. ఈ సందర్భంగా ఆయన మీడియాతో మాట్లాడాతారు. జగన్ ఓదార్పు యాత్ర విషయంలో పురంధేశ్వరి దంపతులు అతిగా స్పందిస్తున్నరాని, అతిగా వ్యవహరిస్తున్నారని ఆయన విమర్శించారు.

పదవులు కాపాడుకోవడానికి కొంత మంది వైయస్ జగన్ ను టార్గెట్ చేస్తున్నారని, జగన్ ఓదార్పు యాత్రను రాజకీయం చేస్తున్నారని ఆయన వ్యాఖ్యానించారు. నిజమైన ప్రతి కాంగ్రెసు కార్యకర్త జగన్ ఓదార్పు యాత్రలో పాల్గొంటాడని, అలాగే ఓదార్పు యాత్రలో పాల్గనే హక్కు కాంగ్రెసు అభిమానులకు ఉందని ఆయన అన్నారు. భూమన కరుణాకర్ రెడ్డిపై వచ్చిన ఆరోపణలపై విచారణ జరిపించి భూమన నిజాయితీని నిరూపించుకునే అవకాశం ఇవ్వాలని ఆయన అన్నారు.