కృష్ణా జిల్లాలో భారీగా బంగారం, వెండి చోరీ

విజయవాడ: కృష్ణా జిల్లాలో మంగళవారం తెల్లవారు జామున నగల దుకాణంలో భారీ చోరీ జరిగింది. కృష్ణా జిల్లాలోని కంభంపాడులో గల హారికా నగల దుకాణంలో దొంగలు కిలోన్నర బంగారం, 40 కిలోల వెండిని దోచుకెళ్లారు. దుకాణం షట్టర్లు పగులగొట్టి ఈ చోరీకి పాల్పడ్డారు.

చోరీకి పాల్పడినవారిలో నలుగురైదుగురు ఉండవచ్చునని అనుమానిస్తున్నారు. చోరీ జరిగిన తీరు ఆ అనుమానాలకు అవకాశమిస్తోంది. పోలీసులు కేసు నమోదు చేసుకుని దర్యాప్తు చేస్తున్నారు. యజమాని పెద్ద యెత్తున బంగారం, వెండి తెచ్చి ఇటీవలే నిల్వ చేసినట్లు భావిస్తున్నారు.