వైయస్ తో పార్టీ ఓదార్పు యాత్ర చేపట్టాలి: వైయస్ వివేకానంద రెడ్డి

హైదరాబాద్‌: తమ కాంగ్రెసు పార్టీ కడప పార్లమెంటు సభ్యుడు వైయస్ జగన్ తో పార్టీ అధిష్టానమే ఓదార్పు యాత్రను చేపట్టాలని ఎమ్మెల్సీ వైయస్ వివేకానంద రెడ్డి అన్నారు. వైయస్ ఆకస్మిక మరణానికి మనస్తాపానికి గురై మరణించినవారి కుటుంబాలకు ఆర్థిక సాయం అందించాలని ఎఐసిసి తీసుకున్న నిర్ణయాన్ని స్వాగతిస్తున్నట్లు ఆయన సాక్షి ప్రతినిధితో చెప్పారు. కాకినాడ సభలో జగన్ చేసిన విజ్ఞప్తిని అధిష్టానం అంగీకరించిందని ఆయన చెప్పారు. ఎల్లుండి వైయస్ వర్ధంతికి ఇడుపులపాయలో అన్ని ఏర్పాట్లు చేస్తున్నట్లు ఆయన తెలిపారు.

వైయస్ మరణం వల్ల మృతి చెందినవారి కుటుంబాలకు ఆర్థిక సాయం అందించాలని ఎఐసిసి తీసుకున్న నిర్ణయాన్ని జగన్ వర్గీయులు స్వాగతిస్తున్నారు. అయితే, జగన్ ఓదార్పు యాత్ర మాత్రం ఉంటుందని అంటున్నారు. ఎఐసిసి నిర్ణయాన్ని జగన్ విజయంగా వారు చెబుతున్నారు.