వైయస్ జగన్ ను సస్పెండ్ చేయండి: అంబటి రాంబాబు సవాల్

గుంటూరు: పార్టీ అధిష్టానానికి బహిష్కృత నేత అంబటి రాంబాబు సవాల్ విసిరారు. దమ్ముంటే కడప పార్లమెంటు సభ్యుడు వైయస్ జగన్ ను సస్పెండ్ చేయాలని ఆయన సవాల్ చేశారు. జగన్ ను సస్పెండ్ చేసే దమ్ములు లేవని ఆయన మీడియా ప్రతినిధుల సమావేశంలో అన్నారు. షోకాజ్ నోటీసులు జారీ చేయండ ద్వారా తన వంటి జగన్ అనుచరులను లక్ష్యం చేసుకుందని, జగన్ పై చర్యలు తీసుకునే దమ్ములు హైకమాండ్ కు లేవని ఆయన అన్నారు.

ఓదార్పు యాత్ర సాగాలని అధిష్టానంలోని కొందరు నేతలు అభిప్రాయపడుతున్నారని, ఓదార్పు యాత్రలో పాల్గొనవద్దని మరి కొందరు నాయకులు అంటున్నారని, దీన్ని బట్టి హై కమాండ్ లో జగన్ ఓదార్పుపై విభేదాలున్నాయని అర్థమవుతోందని ఆయన అన్నారు. తాను బహిష్కృత నేతను కానని ఆయన చెప్పారు. శాసనసభ్యురాలు కొండా సురేఖకు షోకాజ్ నోటీసు అందనే లేదని ఆయన చెప్పారు.