ఓదార్పు యాత్రలో ఇద్దరు శత్రువులను కలిపిన వైయస్ జగన్

ఒంగోలు‌: కాంగ్రెసు కడప పార్లమెంటు సభ్యుడు వైయస్ జగన్ ఇద్దరు శత్రువులను కలిపారు. దీర్ఘకాలంగా పరస్పరం కొట్లాడుకుంటున్న రెండు గ్రూపులో వైయస్ జగన్ ఓదార్పు యాత్రలో కలిసిపోయాయి. ఈ సంఘటన ఫాక్షన్ కు మారుపేరుగా నిలిచిన రేణంగివరం గ్రామంలో చోటు చేసుకుంది. ప్రకాశం జిల్లాలో ఓదార్పు యాత్ర జరుగుతుండగా ఈ రెండు గ్రూపుల వారు కలిసి వైయస్ జగన్ కు ఆహ్వానం పలికారు. ఇది గ్రామస్థులను సంతోషపెట్టింది. గ్రామంలో ప్రశాంతత నెలకొంటుందని వారంటున్నారు.

కాగా, వైయస్ జగన్ సోమవారం నుంచి తన ఓదార్పు యాత్రలో కళ్లద్దాలు దరిస్తున్నారు. దీంతో ఆయన గెటప్ మారిపోయింది. ఇంతకు ముందు కాలేజీ స్టూడెంట్ లాగా కనిపిస్తు వచ్చిన జగన్ ఇప్పుడు మేధావిలా కనిపిస్తున్నారనే వ్యాఖ్యలు వినిపిస్తున్నాయి. ఇక నుంచి కళ్లద్దాలు ధరిస్తేనే మంచిదని ఆయనకు సలహాలు వస్తున్నాయని సమాచారం.