• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

క్రమంగా విలువలు దిగజారుతున్నాయి: ముఖ్యమంత్రి రోశయ్య

By Srinivas
|
Rosaiah
హైదరాబాద్: సమాజంలో క్రమంగా విలువలు జారిపోతున్నాయని రాష్ట్ర ముఖ్యమంత్రి కొణిజేటి రోశయ్య అన్నారు. సోమవారం ఆంధ్ర ప్రదేశ్ వర్కింగ్ జర్నలిస్టు యూనియన్ ఆధ్వర్యంలో మదుపు చంద్రయ్య గార్డెన్ లో సభ జరిగింది. దీనికి ముఖ్య అతిథిగా ముఖ్యమంత్రి రోశయ్య వచ్చారు. అందరూ విలువలు పాటించాల్సిన అవసరం ఉందని రోశయ్య చెప్పారు నియమ నిబంధనలకు మనమే విధించుకోవాలని, ఎవరో ఒకరు చెప్పేదాకా చూసుకోకూడదని సూచించారు. తొందరపాటు వార్తలు రాయటం వల్ల మీడియా పట్ల ప్రజలకు చులకన భావం ఏర్పడుతుందన్నారు. అంతే కాకుండా దానివల్ల జరిగే నష్టాన్ని పూర్తి చేయడం కష్ట సాధ్యం కాబట్టి ప్రజలకు వార్తలు చేరవేస్తున్న మీడియానే సంయమనం పాటించాల్సిన అవసరం ఉందన్నారు.

విషయ సేకరణ పూర్తిగా అయిన తరువాతనే వార్తలను ప్రచురించటం గాని, ప్రసారం చేయటం గాని చేయాలన్నారు. కేవలం మీడియాలోనే కాదని అన్ని రంగాల్లో విలువలు తగ్గిపోతున్నాయని పేర్కొన్నారు. ఇటీవల మరీ దారుణమైన పరిస్థితులు తయారయ్యాయని అన్నారు. అయితే సమాజానికి మార్గదర్శకంగా ఉండాల్సిన మీడియా విలువలు పాటించాల్సిన అవసరం ఉందన్నారు.

అయితే పత్రికలలో పనిచేసే వాళ్లకే కాదు అందరికీ విలువల పట్ల నిబద్దత ఉండాలన్నారు. జర్నలిస్టులపై జరుగుతున్న దాడులను ప్రజాస్వామ్యంపై నమ్మకమున్న ప్రతి ఒక్కరూ ఖండించాల్సిన అవసరం ఉందన్నారు. అంతకుముందు మీడియా ప్రతినిధులు ఇందిరాపార్కు నుండి మదుపు చంద్రయ్య గార్డెన్ వరకు మీడియా మార్చ్ నిర్వహించారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X