తిరుపతి లాడ్జిలో ఒకే కుటుంబానికి చెందిన 4గురు ఆత్మహత్య

తిరుపతి: తిరుపతిలోని ఓ ప్రయివేటు లాడ్జిలో కర్ణాటకకు చెందిన ఒకే కుటుంబానికి చెందిన నలుగురు ఆత్మహత్య చేసుకున్నారు. శుక్రవారం ఉదయం ఈ సంఘటన జరిగింది. వీరి మృతదేహాల వద్ద పురుగుల మందు డబ్బా ఉంది. తిరుపతిలోని కొర్రగుంట్ల ప్రాంతంలోని మారుతీనగర్లోని లాడ్జిలో ఈ ఘటన చోటు చేసుకుంది. కర్ణాటక రాష్ట్రంలోని దావణగిరెకు చెందిన సతీష్, శిల్ప దంపతులతో పాటు వారి ఇద్దరు పిల్లలు వెన్నెల, వంశీ చనిపోయారు.

తమ అనంతరం తమ ఆస్తులు ఏదైనా ఆనాథ శరణాలయానికి చెందాలని వారు తమ సూసైడ్ లో రాసి ఆత్మహత్య చేసుకున్నారు. తమ మరణానికి ఎవరూ కారకులు కాదని వారు ఆ నోట్ లో పేర్కొన్నారు. వెన్నెల, వంశీ పది, పన్నెండేళ్లే ఉండటం బాధాకరం.