గాలి జనార్దన్ రెడ్డి అనుచర ఎమ్మెల్యేల ఇళ్లపై ఐటి దాడులు

బెంగళూరు: కర్ణాటక రాష్ట్రంలో గాలి జనార్ధన్ రెడ్డి అనుచర భారతీయ జనతా పార్టీ ఎమ్మెల్యేల ఇళ్లపై ఇన్ కమ్ టాక్సు దాడులు చేసింది. బెంగుళూరు, హోస్పేట్, కాంప్లీ, బళ్లారిలలోని గాలి జనార్ధన్ రెడ్డి అనుచరుల ఇళ్లపై దాడులు నిర్వహించారు. జనార్ధన్ రెడ్డి ముఖ్య అనుచరుడు మంత్రి శ్రీరాములు ఇంటిపై కూడా ఐటీ దాడులు చేసింది. బళ్లారి జిల్లా ఎమ్మెల్యేలు సురేష్ బాబు, నాగేంద్రల ఇళ్లపై కూడా దాడులు చేశారు. మంత్రులు గాలి జనార్ధన్ రెడ్డి, గాలి కరుణాకర్ రెడ్డిల పీఏల ఇళ్లలోనూ దాడులు చేశారు.

ఐటి బృందాలుగా ఏర్పడి నాలుగు జిల్లాల్లో 60 ప్లేసులలో సోదాలు చేసింది. ఈ దాడులు రోజంతా జరిగే అవకాశాలు ఉన్నాయి. అయితే అధికారులు ఎమ్మెల్యేల పేర్లు బయట పెట్టడానికి నిరాకరిస్తున్నారు. ఆపరేషన్ కమలగా అధికార యెడ్యూరప్ప ప్రభుత్వం విపక్ష ఎమ్మెల్యేలను కొనుగోలు చేస్తుందనే ఆరోపణలు వస్తున్న నేపథ్యంలో ఈ దాడులు నిర్వహించారు. జెడి(ఎస్), కాంగ్రెస్ ఎమ్మెల్యేలను 20 నుండి 30 కోట్ల వరకు ఇచ్చి కొంటున్నట్లుగా వస్తున్న వార్తలతో దాడులు నిర్వహిస్తున్నారు.