అన్నింటికీ రాజీవ్, ఇందిరా గాంధీ పేర్లే పెట్టుకోండి: చంద్రబాబు నాయుడు

హైదరాబాద్: మాజీ ముఖ్యమంత్రి, తెలుగుదేశం పార్టీ అధినేత చంద్రబాబు నాయుడు ముఖ్యమంత్రి రోశయ్యకు చాలాకాలం తర్వాత ఓ లేఖ రాశారు. తెలుగు లలిత కళా తోరణానికి దివంగత ప్రధాని రాజీవ్ గాంధీ పేరును పెట్టడాన్ని నిరసిస్తూ చంద్రబాబునాయుడు ముఖ్యమంత్రి రోశయ్యకు ఈ లేఖ రాశారు. తెలుగు లలిత కళాతోరణానికి ముందు రాజీవ్ పేరును చేర్చడం అక్షేపనీయమైనదని, అర్థరహితమని చంద్రబాబు ఆ లేఖలో పేర్కొన్నారు. రాజీవ్ పేరును చేర్చటం పట్ల తెలుగు ప్రజలు తీవ్ర దిగ్భ్రాంతికి లోనయ్యారన్నారు. రాజీవ్ ను చేర్చూతూ తీసుకు వచ్చిన ప్రభుత్వ చట్టాన్ని వెంటనే ఉపసంహరించుకోవాలని ఆయన డిమాండ్ చేశారు.

ఎప్పుడూ తెలుగు అంటే అభిమానం అని చెప్పే రోశయ్యకు సొంత భాష అయిన తెలుగుపైన ఎంత అభిమానం ఉందో తెలియడానికి ఈ ప్రభత్వ చట్టం(జివో) ఒక్కటి చాలని వ్యంగ్యంగా అన్నారు. రోశయ్యకు ఆయన తన లేఖలో ఓ సలహా కూడా ఇచ్చారు. రాష్ట్రంలో ఉన్న పార్కులకు, నగరాలకు, పట్టణాలకు అన్నింటికీ రాజీవ్ గాంధీ, ఇందిరాగాంధీ, జవహర్ లాల్ నెహ్రూ పేర్లు పెట్టమని సూచించారు.